Skip to main content

വരൂ

the death of love la muerte del amor by Arantzazu Martinez
പ്രണയത്തെക്കുറിച്ചു
നിന്നോടൊന്നും സംസാരിക്കാനില്ല.
പ്രണയത്തെക്കുറിച്ചു ഞാൻ ഒരുപാടു പറഞ്ഞിട്ടുണ്ട്.
ഒരു പാടാളുകളോട്.
വരൂ, ചേർന്നിരിക്കൂ
കഴുത്തിലുമ്മവയ്ക്കൂ.
നമുക്ക് മരണത്തെകുറിച്ചു
സംസാരിക്കാം

ഒരുമിച്ചിരുന്നു മരണ
മഞ്ചലുകൾ അലങ്കരിക്കാം
നിനക്ക് ഞാൻ വെളുത്ത
ലില്ലി പൂക്കൾ കൊണ്ടൊരു
മഞ്ചൽപണിയും
നീ അതിൽ വെളുത്ത വസ്ത്രമുടുത്ത്‌
കിടക്കണം

ചെറിയ കൈകൾക്ക് ഞാൻ
അവസാനമായി ഉമ്മ വയ്ക്കാം.
നേർത്ത കൺപോളകളിലും
ഇരുണ്ട ചുണ്ടുകളിലും
ഓരോ പൂക്കൾവീതം വയ്ക്കാം.
ചൂട് മാറാത്ത ശരീരത്തോട്
ചേർന്ന് കിടക്കാം.

നീ മരികുമ്പോൾ ഞാൻ
കൂടെ വരും
നിന്റെ ഇരുട്ടിലേക്കും
പിന്നെ നിന്റെ വെളിച്ചത്തിലേക്കും .

വരൂ നമുക്ക് മരണത്തെക്കുറിച്ച്
സ്വപ്നം കാണാം.

ഞാൻ മരിക്കുമ്പോൾ
നീ എന്റെ കാൽക്കൽ
ഒരു പിടി ഗുൽമോഹറിതളുകൾ
വാരിയിടണം.
നേർത്ത കാലിലെ പൊങ്ങിയ
ഞരമ്പുകൾ ആരും കാണരുതേ.

എന്റെ കണ്ണുകളെ തുറന്നു
തന്നെ വയ്ക്കുക.
ശവപ്പെട്ടിയുടെ ഇരുട്ടിലും
എനിക്ക് സ്വപ്നങ്ങളെ
പേടിയായിരിക്കും.

കാലുകൾ കൂട്ടി
കെട്ടരുതേ.
മരണത്തിനു ശേഷവും
എനിക്ക് നിന്റടുക്കലേക്ക്
നടക്കേണ്ടതുണ്ട് .

നിന്റെ അവസാന ശേഷിപ്പിനെ
പുഴുക്കളരിക്കും വരെ.
നിന്റെ ഓർമ്മകൾ കാലം
പുതിയ മരണങ്ങൾ കൊണ്ട്
മായ്ക്കും വരെ.
നിന്റെ ശരീരം
വെളുത്ത ലില്ലി പൂക്കളായി
വിരിയും വരെ.
കൂടെ ഞാനിരിക്കാം.
പുഴുക്കളായി, പൂക്കളായി,
മരണമായി.

വരൂ നമുക്ക് മരണത്തെ കുറിച്ച്
സ്വപനം കാണണം


Labels:
Location: Kozhikode, Kerala 673001, India

Comments

Post a Comment

Popular posts from this blog

We will stop talking in the future.

We will stop talking slowly in the future. I might still be smoking the same old brand of cigarettes  we used to smoke. Or even keep the dresses  you left home after a quick visit. But. Slowly, in the future, we will stop talking. I might still listen to the same Playlist we created. Even keep the movies we love to watch over and over again. I swear I will keep the books  we kept exchanging, and sure,  I will go through the highlighted neon green letters. Over and over again. I will go through the old hard disk full of our selfies. The one on a rainy day in the cable cars over that dam and gardens, The one at the railway station when  I was saying you a brief good bye. The one where you looking at the stars,  I can barely see you but you still there,  looking at the stars and gazing at me often. But. Eventually, in the future, we will stop talking. I might call you occasionally over a long-distance phone call.  And I am sure I will ask about your ...
Post a Comment
Read more

The last fight

അവസാനമായി വീണ്ടും ഉളുപ്പില്ലാതെ ഞങ്ങൾ വഴക്കിട്ടു പിരിഞ്ഞു. തീർപ്പ് പറയാതെ, ഉപചാരം പറഞ്ഞൊഴിയാതെ, തിരിഞ്ഞു നോട്ടവും, കണ്ണ് നിറയ്ക്കും വരെ ബസിൽ നിന്ന് നോക്കി നിക്കാതെയുമുള്ള യാത്ര അയപ്പ്. അഞ്ചു വർഷത്തെ പ്രണയം. വഴക്കിട്ടും, പരിഭവിച്ചും, തമ്മിൽ കാണാനുള്ള നീളൻ യാത്രകൾ നിരന്തരം ചെയ്തും ഉണ്ടാക്കിയെടുത്ത പ്രണയം. ഇത്രയധികം ഞാൻ ഒരു കാമുകന് വേണ്ടി യാത്ര ചെയ്തിട്ടില്ല. അവനും അങ്ങനെ തന്നെയാണെന്ന് വേണം പറയാൻ. അപരിചിതമായ പല ബസ്സ് റൂട്ടുകളും ഒരു പക്ഷെ പഠിച്ചെടുത്തു.  കോഴിക്കോട് നിന്ന് പാലക്കാട് ബസ്സ് കേറി അര്യമ്പാവ് ഇറങ്ങി കരിമ്പുഴ വഴി ശ്രീകൃഷ്ണപുരം. ബാപ്പുജി പാർക്ക് കഴിഞ്ഞുള്ള അടുത്ത സ്റ്റോപ്പ്. അവിടെയാണ് ഇറങ്ങേണ്ടത്.  അങ്കമാലി റയിൽവേ സ്റ്റേഷൻ ഇറങ്ങി നേരെ മുന്നിലുള്ള പ്രൈവറ്റ് ബസ് സ്റ്റാൻ്റിൽ നിന്ന് കൊരട്ടി ബസ്സ് കേറി ചിറങ്ങര എത്തും മുൻപേ ഇറങ്ങണം. അപ്പോളോ ആശപത്രി കഴിഞ്ഞാൽ അടുത്ത സ്റ്റോപ്പ്. ആശുപത്രി വലുതാണ്. ('You won't miss it.') മൈസൂരിൽ ഇറങ്ങി ഒരു uber വിളിച്ചാൽ മതി. കമ്പനിയുടെ ഫസ്റ്റ് ഗേറ്റിൽ നിറുത്തി തരും.  തമ്പുരാൻ മുക്കിൽ ഇറങ്ങി കമ്പനിക്ക് അടുത്തുള്ള വഴിയിലൂടെ ഉള്ളോട്ട് ഒന്ന് നടന്ന...
1 comment
Read more

നിൻ്റെ മരിപ്പിൻ്റെ അന്ന്

  നിൻ്റെ മരിപ്പിന്റെ അന്നാവും ഞാൻ ആദ്യമായി നിൻ്റെ വീട്ടിലേക്ക് വരുന്നത്.  നീ പറഞ്ഞതുപോലെ തന്നെയുള്ള വീടിൻ്റെ മുന്നിലൊരു ടാർപോളിൻ വിരിച്ചു കാണും. കയറി വരുമ്പോൾ തന്നെ ആളുകൾ എന്നെ നോക്കി നിൽക്കും. ആരെന്ന് ഒരുപാട് നോട്ടങ്ങൾ ചുറ്റും വീഴും.  ഉത്തരങ്ങൾ ഒന്നും പറയാതെ നിന്നെ കിടത്തിയ ഇടനാഴികയിൽ ഞാൻ കയറിച്ചെല്ലും.  എന്നെ കാണുമ്പോൾ ഒരിക്കൽ കൂടി ശക്തിയെടുത്തു പെണ്ണുങ്ങൾ ഉറക്കെ കരയും. നീ മരിക്കുമ്പോൾ അവശേഷിക്കുന്ന ഒടുവിലത്തെ സാക്ഷി ഞാൻ മാത്രമാവുമെന്ന് ഞാനോർക്കും. കരച്ചിലിൻ്റെ കൂടെ ഞാനും ചേരും. എത്ര തന്നെ ഞാൻ നിലവിളിച്ചു കരഞ്ഞാലും ഇത്ര കരയുന്നത് എന്തിനെന്ന് ആളുകൾ കുശുകുശുക്കും. സുഹൃത്ത് ആയിരുന്നു, സീനിയർ ആയിരുന്നു, കൂടെ ജോലി ചെയ്യുന്ന ആളായിരുന്നു എന്നൊക്കെ പലരും അവകാശപ്പെടും.  ഞാൻ ഇയാളെ പ്രണയിച്ചിരുന്നെന്നു ഉറക്കെ പറയുമ്പോൾ നിരത്താൻ തെളിവുകൾ ഒന്നുമില്ലാതെ ഞാൻ പരിഭ്രാന്തിപ്പെടും. എൻ്റെ മകൻ അത്രക്കാരൻ അല്ലെന്ന് നിൻ്റെ അമ്മയും, വീട് മാറിയതാണെന്നു അച്ഛനും തുറന്നു വാദിക്കും.  ഇത്തരക്കാരെ കൊണ്ടു നടക്കാൻ ആവാത്ത അവസ്ഥയാണെന്ന് മരണാനന്തര ചടങ്ങുകൾ നോക്കുന്ന കാരണവർ ഇറക്കെ അഭിപ്രായപ്...
Post a Comment
Read more