Skip to main content

(പേരില്ലാത്തത്)


Photo by Irina Kostenich on Unsplash

ദൂരെ ദൂരെ നിന്നൊരു
കെട്ടിപ്പിടുത്തം
ദൂരെ ദൂരെ നിന്നൊരു
ഉമ്മവയ്ക്കൽ

ചൂടാറിയാത്ത കെട്ടിപ്പിടിത്തം
നനവറിയാത്ത ഉമ്മകൾ

ഇടയ്ക്ക് പ്രണയം ദൂരങ്ങളിൽ എവിടെയോ
വിറങ്ങലിച്ചു ചിറകറ്റ് വീണ്
താഴെ അതൊരു ഒറ്റമുല്ല വള്ളിയായി

ചൂടാറിയാത്ത കെട്ടിപ്പിടിത്തങ്ങൾ ഇല്ലാതെ
നനവറിയാത്ത ഉമ്മകൾ ഇല്ലാതെ
പ്രണയമില്ലെന്നു ധരിച്ചു രണ്ടുപേരും മിണ്ടാതെ യിരുന്നു

പ്രണയമപ്പോഴും പൂത്തിരുന്നു
വല്ലിക്കൊടിനുള്ളിലിരുന്നു

നാട്ടുകാർ അപ്പോഴും പറഞ്ഞു
'എന്തൊരു മണമാണ് ഈ
ഒറ്റമുല്ലയ്ക്ക്
പ്രേമത്തിന്‍റെ മണംപോലെ!'

വഴിയോരത്തെ മുല്ല തൈകൾ ഒക്കെയും
അങ്ങനെ ഉണ്ടായതത്രെ!

മറന്നുപോയ പ്രണങ്ങളുടെ
ജീർണിച്ച വിത്തുകൾ
പെയ്യാറുണ്ട് പലപ്പോഴും ഇവിടെ.

നനുത്ത പുലർവേളകളിൽ
അവയൊക്കെയും
നാമ്പെടുത്തു വെയിൽ കായും.

പുതിയ ചില്ലകളിൽ പ്രണയം
മണക്കുള്ള ഒറ്റ മുല്ലകൾ
വിരിയും.

മറന്ന പ്രണയത്തിന്‍റെ
മുല്ലകൾ പറിച്ചു കൊണ്ടുപോവാൻ
വീണ്ടും വീണ്ടും
ഓരോരുത്തർ വരും.

പൂവെല്ലാം പെറുക്കിയാലും
മണം അപ്പോഴും
വള്ളിക്കാടിനുള്ളിൽ
 നിറഞ്ഞു നിൽക്കും.

ആരെയും ശ്വാസം മുട്ടിച്ചു
വശം കെടുത്താൻ പാകത്തിൽ
രാത്രിയിൽ അവ
വീണ്ടും പൂക്കും.

മറന്ന പ്രണയത്തിന്‍റെ
വെളുത്ത പൂക്കൾ ശവകുടീരങ്ങളിൽ
പോകുന്ന നിത്യകല്യാണികളെ പോലെ തന്നെ
എല്ലാ ദിവസം പൂക്കാറുണ്ട്.

പലരും സംശയം തോന്നി മെരട്
മാന്തി നോക്കിയിട്ടുണ്ട്.
ഒരിക്കൽ
അതിന്‍റെ വേരിൽ നിന്ന്
രണ്ട് വിരലുകൾ കിട്ടിയത്രേ!

മറ്റൊരിക്കൽ എഴുതി
മുഴുവിക്കാത്ത കവിതയും,
ചുമന്നിരിക്കുന്ന ഒരു പേനയും!

Labels

Labels:

Comments

Post a Comment

Popular posts from this blog

We will stop talking in the future.

We will stop talking slowly in the future. I might still be smoking the same old brand of cigarettes  we used to smoke. Or even keep the dresses  you left home after a quick visit. But. Slowly, in the future, we will stop talking. I might still listen to the same Playlist we created. Even keep the movies we love to watch over and over again. I swear I will keep the books  we kept exchanging, and sure,  I will go through the highlighted neon green letters. Over and over again. I will go through the old hard disk full of our selfies. The one on a rainy day in the cable cars over that dam and gardens, The one at the railway station when  I was saying you a brief good bye. The one where you looking at the stars,  I can barely see you but you still there,  looking at the stars and gazing at me often. But. Eventually, in the future, we will stop talking. I might call you occasionally over a long-distance phone call.  And I am sure I will ask about your ...
Post a Comment
Read more

നിൻ്റെ മരിപ്പിൻ്റെ അന്ന്

  നിൻ്റെ മരിപ്പിന്റെ അന്നാവും ഞാൻ ആദ്യമായി നിൻ്റെ വീട്ടിലേക്ക് വരുന്നത്.  നീ പറഞ്ഞതുപോലെ തന്നെയുള്ള വീടിൻ്റെ മുന്നിലൊരു ടാർപോളിൻ വിരിച്ചു കാണും. കയറി വരുമ്പോൾ തന്നെ ആളുകൾ എന്നെ നോക്കി നിൽക്കും. ആരെന്ന് ഒരുപാട് നോട്ടങ്ങൾ ചുറ്റും വീഴും.  ഉത്തരങ്ങൾ ഒന്നും പറയാതെ നിന്നെ കിടത്തിയ ഇടനാഴികയിൽ ഞാൻ കയറിച്ചെല്ലും.  എന്നെ കാണുമ്പോൾ ഒരിക്കൽ കൂടി ശക്തിയെടുത്തു പെണ്ണുങ്ങൾ ഉറക്കെ കരയും. നീ മരിക്കുമ്പോൾ അവശേഷിക്കുന്ന ഒടുവിലത്തെ സാക്ഷി ഞാൻ മാത്രമാവുമെന്ന് ഞാനോർക്കും. കരച്ചിലിൻ്റെ കൂടെ ഞാനും ചേരും. എത്ര തന്നെ ഞാൻ നിലവിളിച്ചു കരഞ്ഞാലും ഇത്ര കരയുന്നത് എന്തിനെന്ന് ആളുകൾ കുശുകുശുക്കും. സുഹൃത്ത് ആയിരുന്നു, സീനിയർ ആയിരുന്നു, കൂടെ ജോലി ചെയ്യുന്ന ആളായിരുന്നു എന്നൊക്കെ പലരും അവകാശപ്പെടും.  ഞാൻ ഇയാളെ പ്രണയിച്ചിരുന്നെന്നു ഉറക്കെ പറയുമ്പോൾ നിരത്താൻ തെളിവുകൾ ഒന്നുമില്ലാതെ ഞാൻ പരിഭ്രാന്തിപ്പെടും. എൻ്റെ മകൻ അത്രക്കാരൻ അല്ലെന്ന് നിൻ്റെ അമ്മയും, വീട് മാറിയതാണെന്നു അച്ഛനും തുറന്നു വാദിക്കും.  ഇത്തരക്കാരെ കൊണ്ടു നടക്കാൻ ആവാത്ത അവസ്ഥയാണെന്ന് മരണാനന്തര ചടങ്ങുകൾ നോക്കുന്ന കാരണവർ ഇറക്കെ അഭിപ്രായപ്...
Post a Comment
Read more

The last fight

അവസാനമായി വീണ്ടും ഉളുപ്പില്ലാതെ ഞങ്ങൾ വഴക്കിട്ടു പിരിഞ്ഞു. തീർപ്പ് പറയാതെ, ഉപചാരം പറഞ്ഞൊഴിയാതെ, തിരിഞ്ഞു നോട്ടവും, കണ്ണ് നിറയ്ക്കും വരെ ബസിൽ നിന്ന് നോക്കി നിക്കാതെയുമുള്ള യാത്ര അയപ്പ്. അഞ്ചു വർഷത്തെ പ്രണയം. വഴക്കിട്ടും, പരിഭവിച്ചും, തമ്മിൽ കാണാനുള്ള നീളൻ യാത്രകൾ നിരന്തരം ചെയ്തും ഉണ്ടാക്കിയെടുത്ത പ്രണയം. ഇത്രയധികം ഞാൻ ഒരു കാമുകന് വേണ്ടി യാത്ര ചെയ്തിട്ടില്ല. അവനും അങ്ങനെ തന്നെയാണെന്ന് വേണം പറയാൻ. അപരിചിതമായ പല ബസ്സ് റൂട്ടുകളും ഒരു പക്ഷെ പഠിച്ചെടുത്തു.  കോഴിക്കോട് നിന്ന് പാലക്കാട് ബസ്സ് കേറി അര്യമ്പാവ് ഇറങ്ങി കരിമ്പുഴ വഴി ശ്രീകൃഷ്ണപുരം. ബാപ്പുജി പാർക്ക് കഴിഞ്ഞുള്ള അടുത്ത സ്റ്റോപ്പ്. അവിടെയാണ് ഇറങ്ങേണ്ടത്.  അങ്കമാലി റയിൽവേ സ്റ്റേഷൻ ഇറങ്ങി നേരെ മുന്നിലുള്ള പ്രൈവറ്റ് ബസ് സ്റ്റാൻ്റിൽ നിന്ന് കൊരട്ടി ബസ്സ് കേറി ചിറങ്ങര എത്തും മുൻപേ ഇറങ്ങണം. അപ്പോളോ ആശപത്രി കഴിഞ്ഞാൽ അടുത്ത സ്റ്റോപ്പ്. ആശുപത്രി വലുതാണ്. ('You won't miss it.') മൈസൂരിൽ ഇറങ്ങി ഒരു uber വിളിച്ചാൽ മതി. കമ്പനിയുടെ ഫസ്റ്റ് ഗേറ്റിൽ നിറുത്തി തരും.  തമ്പുരാൻ മുക്കിൽ ഇറങ്ങി കമ്പനിക്ക് അടുത്തുള്ള വഴിയിലൂടെ ഉള്ളോട്ട് ഒന്ന് നടന്ന...
1 comment
Read more